வடகிழக்கு பருவமழையின் தீவிரத்தை கருத்தில் கொண்டு, தென்காசி மாவட்டத்தில் பொதுமக்களின் பாதுகாப்பை உறுதிசெய்யும் நோக்கில், மாவட்ட காவல் கண்காணிப்பாளர் V.R. ஶ்ரீனிவாசன் அவர்களின் வழிகாட்டுதலின் கீழ் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டுள்ளன.
முக்கிய நிலப்பரப்புகளில் பாதுகாப்பு:
மாவட்டத்திலுள்ள கடனாநதி, ராமாநதி, கருப்பாநதி, குண்டாறு, அடவிநயினார் அணைகள், மற்றும் முக்கிய ஆறு, குளங்களில் காவல்துறையினர் பாதுகாப்பு பணியில் ஈடுபடுத்தப்பட்டுள்ளனர். மழையால் ஏற்படும் வெள்ள அபாயம் தடுப்பதற்கான நடவடிக்கைகள் தொடர்ச்சியாக நடைபெற்று வருகின்றன.
தீவிர ரோந்து மற்றும் பாதுகாப்பு ஏற்பாடுகள்:
- மாவட்டம் முழுவதும் காவல் ஆய்வாளர்களின் தலைமையில் 17 நான்கு சக்கர ரோந்து வாகனங்கள் நியமிக்கப்பட்டுள்ளன.
- மழை வெள்ளத்தால் பாதிக்கப்படக்கூடிய மக்களை பாதுகாப்பாக தங்க வைக்க 22 தங்குமிடங்கள் ஏற்பாடு செய்யப்பட்டுள்ளது. அங்குள்ள பொதுமக்களுக்கு தேவையான உதவிகள் வழங்க காவல்துறையினர் நியமிக்கப்பட்டுள்ளனர்.
பாதுகாப்பு உபகரணங்கள் மற்றும் பயிற்சிகள்:
மழை வெள்ளத்துக்கான பாதுகாப்பு உபகரணங்கள் தென்காசி ஆயுதப்படையில் சேமிக்கப்பட்டு, அவற்றின் பயன்பாட்டை மாவட்ட காவல் கண்காணிப்பாளர் நேரில் ஆய்வு செய்தார். மேலும், மழை வெள்ளத்தின் போது பாதுகாப்பாக பணிபுரிய காவலர்களுக்கு வழிகாட்டுதல்களை வழங்கினார்.
அறிவுறுத்தல்கள்:
காவலர்கள், இடரிலுள்ள மக்களை மீட்டு பாதுகாப்பான முறையில் தங்குமிடங்களுக்கு அழைத்துச் செல்வது குறித்து முழுமையான அறிவுரைகள் பெறினர்.
இந்நடவடிக்கைகள், பொதுமக்களின் பாதுகாப்பையும், காவல்துறையின் ஆற்றலையும் மேம்படுத்துவதற்கான மிக முக்கியமான முன்னெடுப்பாக விளங்குகிறது.
