கடலூர் மாவட்டம் விருத்தாச்சலம் காவல் சார்பு மதுவிலக்கு அமல் பிரிவு காவல் நிலையம் சார்பில் அனுமதி இல்லாமல் பாண்டிச்சேரி மதுபானங்களை வீட்டில் பதுக்கி விற்ற குற்றச்சாட்டில் ஒரு நபர் கைது செய்யப்பட்டுள்ளார்.
கடலூர் மாவட்ட காவல் கண்காணிப்பாளர் (SP) ஜெயகுமார் அவர்களின் உத்தரவின்படி, மதுவிலக்கு அமல் பிரிவு DSP பார்த்திபன் அவர்கள் பார்வையில், உதவி ஆய்வாளர் பிரகஸ்பதி தலைமையிலான சிறப்பு காவல் குழுவினர் (25.03.2025) காலை ரோந்து சென்றனர்.
(SP) ஜெயகுமார்
தகவலின் அடிப்படையில் அதிரடி சோதனை
பெண்ணாடம் காவல் நிலைய எல்லைக்குட்பட்ட பாரதிதாசன் தெருவை சேர்ந்த ரவிக்குமார் (வயது 42, தந்தை ராஜேந்திரன், நாயுடு சமூகத்தைச் சேர்ந்தவர்) என்பவர் ஏழுமலையான் நகரில் ஒரு தனி வீடினை வாடகைக்கு எடுத்து அனுமதி இல்லாமல் பாண்டிச்சேரி மதுபானங்களை பதுக்கி விற்பனை செய்து வருகிறார் என்ற தகவல் உதவி ஆய்வாளர் பிரகஸ்பதி அவர்களுக்கு கிடைத்தது.
இந்த தகவலை அடுத்து, விருத்தாச்சலம் மதுவிலக்கு போலீசார் சம்பவ இடத்துக்குச் சென்று அதிரடி சோதனை மேற்கொண்டனர். சோதனையின் போது, மொத்தம் 122 பாட்டில்கள் பாண்டிச்சேரி மதுபானம் கைப்பற்றப்பட்டது.
DSP பார்த்திபன்
பறிமுதல் செய்யப்பட்ட மதுபானங்கள்:
✅ Corrier Nepolian 750 ml – 17 பாட்டில்கள்
✅ Old Admiral 180 ml – 105 பவுச்கள்
மொத்தம்: 122 பாட்டில்கள்
கைது செய்யப்பட்ட ரவிக்குமாரின் மீது TNP ACT 4(1)(c), 4(1)(A) 28/2025 பிரிவுகளின் கீழ் வழக்கு பதிவு செய்யப்பட்டு, நீதிமன்றத்தில் முறையாக ஆஜர்படுத்தப்பட்டு, அவர் நீதிமன்ற காவலுக்கு அனுப்பப்பட்டுள்ளார்.
இந்த நடவடிக்கையில் விருத்தாச்சலம் மதுவிலக்கு காவல் அதிகாரிகள் மற்றும் காவல்துறை அதிகாரிகள் இணைந்து பணியாற்றினர்.
கடலூர் மாவட்ட காவல்துறை சார்பில், பொதுமக்கள் இதுபோன்ற சட்டவிரோத செயற்பாடுகளை உடனுக்குடன் போலீசாருக்கு தகவல் தெரிவிக்கலாம் என கேட்டுக்கொள்ளப்பட்டுள்ளது. 🚔
