திருநெல்வேலி சரக காவல்துறை துணைத் தலைவர் முனைவர் பா. மூர்த்தி, இ.கா.ப., அவர்கள் திருநெல்வேலி மாவட்ட காவல்துறை அலுவலகத்தில் ஆண்டுதோறும் நடைபெறும் ஆய்வை மேற்கொண்டார். இந்த ஆய்வின் போது, மாவட்ட குற்றப்பிரிவு, மாவட்ட குற்ற ஆவண காப்பகம், மற்றும் மாவட்ட காவல் அலுவலகம் உள்ளிட்ட பல்வேறு பிரிவுகளுக்கு சென்று ஆய்வு செய்தார்.
ஆய்வின் போது, மேற்படி பிரிவுகளில் பராமரிக்கப்படும் ஆவணங்களை பார்வையிட்டு அவற்றின் தரம் மற்றும் பராமரிப்பு முறைகளை மதிப்பீடு செய்தார். கூடுதலாக, காவல்துறையினர் மற்றும் அலுவலக பணியாளர்களுக்கு ஆவண பராமரிப்பு குறித்து தேவையான ஆலோசனைகளையும் வழங்கினார்.
மேலும், மாவட்ட குற்றப்பிரிவின் வழக்கு விசாரணைகளை விரைந்து முடிக்கக்கூடிய நடவடிக்கைகளை மேற்கொள்ளவும், அதற்கான திட்டங்களை தீவிரப்படுத்தவும் அறிவுறுத்தினார். இந்த ஆய்வின் போது திருநெல்வேலி மாவட்ட காவல் கண்காணிப்பாளர் என். சிலம்பரசன் அவர்கள் துணைநின்று சிறப்பாக கலந்து கொண்டார்.
