கன்னியாகுமரி மாவட்ட காவல் கண்காணிப்பாளர் மருத்துவர். இரா. ஸ்டாலின் IPS தலைமையில், காவல் அதிகாரிகளின் புலன் விசாரணை திறனை மேம்படுத்தும் பயிற்சி இன்று (26.03.2025) மாவட்ட ஆயுதப்படை வளாகத்தில் தொடங்கப்பட்டது.
இந்த பயிற்சி, குற்றவாளிகளுக்கு நீதிமன்றத்தில் தண்டனை பெற்றுத் தரும் அளவிற்கு காவல்துறை அதிகாரிகள் தங்கள் புலன் விசாரணை திறனை மேம்படுத்துவதற்காக ஏற்பாடு செய்யப்பட்டுள்ளது.
மாவட்ட காவல் கண்காணிப்பாளர் உரை:
மாவட்ட காவல் கண்காணிப்பாளர் அவர்கள், காவல் அதிகாரிகள் முதன்முறையாக முதல் தகவல் அறிக்கை (FIR) பதிவு செய்ததிலிருந்து, அதனை முறையாக விசாரித்து, குற்றவாளிகளுக்கு தண்டனை பெற்றுத்தரும் அளவிற்கு புலன் விசாரணை செயல்பட வேண்டும் என அறிவுறுத்தினார்.
பயிற்சியின் சிறப்பம்சங்கள்:
📌 பயிற்சி ஒருவார காலம் ஆயுதப்படை வளாகத்தில் நடைபெறும்.
📌 திறமை வாய்ந்த காவல் அதிகாரிகள், சட்ட வல்லுநர்கள், அறிவியல் நிபுணர்கள், தடயவியல் நிபுணர்கள் ஆகியோர் பயிற்சி வழங்குகின்றனர்.
📌 காவல் ஆய்வாளர்கள் முதல் காவலர்கள் வரை இந்த பயிற்சியில் பங்கேற்றுள்ளனர்.
இந்த பயிற்சியின் மூலம் காவல் அதிகாரிகள் தங்கள் புலன் விசாரணை திறனை மேம்படுத்தி, குற்ற விசாரணையில் அதிக செயல்திறன் பெறுவார்கள் என்று எதிர்பார்க்கப்படுகிறது.
