சென்னை பெருநகர காவல், J-2 அடையார் காவல் நிலைய முதல் நிலைக்காவலர்கள் திரு.சங்கர் (மு.நி.கா.43245), திரு.லட்சுமணப்பெருமாள் (மு.நி.கா.41487), J-3 கிண்டி காவல் நிலைய ரோந்து வாகன பொறுப்பு தலைமைக்காவலர் திரு.மோகன், ரோந்து வாகன ஓட்டுநர்/ ஆயுதப்படை காவலர் திரு.S.சில்வானு, (கா.61504) J-3 கிண்டி போக்குவரத்து தலைமைக்காவலர் திரு.S.பஞ்சாட்சரமூர்த்தி, (த.கா.52961), ஆயுதப்படைகாவலர்கள் திரு.S.அஜித், (கா.எண்.58650), திரு.சுரேஷ்குமார் (த.கா.60322), மத்தியகுற்றப்பிரிவு உதவி ஆய்வாளர்கள் திரு.கனகராஜ், திரு.ராஜிவ் என 9 காவல் அதிகாரிகள் மற்றும் ஆளிநர்கள் கடந்த 25.10.2023 அன்று கிண்டி, சர்தார் படேல் ரோடு, ராஜ்பவன் பாதுகாப்பு பணியிலிருந்த போது, சுமார் மதியம் 3.00 மணியளவில், சர்தார் படேல் ரோடு, ராஜ்பவன் நோக்கி பெட்ரோல் நிரப்பபட்ட பாட்டில்களை வீச முயன்ற வினோத் (எ) கருக்கா வினோத் என்பவரை துணிச்சலாக மடக்கிப்பிடித்து கைது செய்து எந்தவித அசம்பாவித சம்பவங்கள் நிகழாமல் தடுத்து சிறப்பாக பணிபுரிந்துள்ளனர்.
சென்னை பெருநகர காவல் ஆணையாளர் திரு.சந்தீப் ராய் ரத்தோர், இ.கா.ப அவர்கள் இன்று (28.10.2023) மேற்படி காவல் அதிகாரிகள் மற்றும் ஆளிநர்களை நேரில் அழைத்து வெகுமதி மற்றும் பாராட்டு சான்றிழ்கள் வழங்கி பாராட்டினார்.
