தென்காசி மாவட்ட காவல் கண்காணிப்பாளர் V.R. ஸ்ரீனிவாசன் அவர்களின் தலைமையில் தென்காசி புதிய பேருந்து நிலையத்திலிருந்து பண்டிகைகளை முன்னிட்டு குற்ற சம்பவங்களை தடுக்கும் விதமாகவும் பொது மக்களுக்கு விழிப்புணர்வை ஏற்படுத்தும் விதமாகவும் மிதிவண்டி விழிப்புணர்வு பேரணியானது காவலர்கள் சகிதம் கூலக்கடை பஜார், வடக்கு ரத வீதி, கீழரத வீதி, சுவாமி சன்னதி பஜார் தெரு, அம்மன் சன்னதி தெரு வழியாக தென்காசி காசி விசுவநாதர் கோவில் வரை வந்தடைந்தனர். பின்னர் அங்கிருந்த பொதுமக்களிடம் பண்டிகையின் போது வெளியே வரும் பொதுமக்கள் தங்களின் உடைமைகளை பத்திரமாக பாதுகாத்துக் கொள்ள வேண்டும் எனவும், கூட்ட நெரிசலை பயன்படுத்தி சிலர் திருட்டு சம்பவத்தில் ஈடுபடலாம் எனவும் ஏதேனும் பிரச்சனை என்றால் உடனடியாக அருகில் உள்ள காவலர்களிடம் தகவல் தெரிவிக்கும்படியும், தங்களின் வீடு, கடை, அலுவலகங்கள் ஆகிய இடங்களில் கண்காணிப்பு கேமராக்கள் பயன்படுத்தி குற்ற சம்பவங்கள் நடைபெறாமல் தடுக்க முன் வர வேண்டும் என்றும் விழிப்புணர்வை ஏற்படுத்தினார்.
