சென்னை அம்பத்தூர் எஸ்டேட் காவல் நிலைய சரகத்திற்கு உட்பட்ட பகுதியை சேர்ந்த s. மல்லிகா க /பெ சிவப்பிரகாசம் கலைவாணர் நகர், அம்பத்தூர், சென்னை-58 என்பவர் கடந்த 2014 ஆம் ஆண்டு காணாமல் போனதாக அவரின் மகன் கொடுத்த புகாரின் பேரில் காவல்துறையினர் வழக்குப்பதிவு செய்து தேடி வந்தனர்.மேலும் இவ்வழக்கு சம்பந்தமாக தமிழ்நாட்டில் உள்ள அனைத்து காவல் நிலையங்களிலும் விசாரணை மேற்கொள்ளப்பட்டிருந்த நிலையில் மேற்படி காணாமல் போன நபர் சம்பந்தமாக நாகை மாவட்ட காவல்துறையினருக்கு கிடைத்த தகவலின் படி காணாமல் போன நபர் புனேவில் உள்ள ஒரு ஆசிரமத்தில் உள்ளதை கண்டுபிடித்தனர். உடனே அவரின் குடும்பத்தாருக்கு தகவல் தெரிவித்ததுடன் காணாமல் போன பெண்மணியை மீட்டு அவரின் மகனிடம் ஒப்படைத்தனர். இவ்வாறு சிறப்புடன் செயல்பட்ட நாகை மாவட்ட காவல்துறையினரை மாவட்ட காவல் கண்காணிப்பாளர் ஹர்ஷ் சிங் இ. கா.ப பாராட்டியதுடன் காணாமல் போன மூதாட்டியையும் அழைத்து தனது வாழ்த்துக்களை தெரிவித்துள்ளார்கள்.