தமிழ்நாடு சீருடை பணியாளர் தேர்வு வாரியத்தால் நடத்தப்படும் உதவி ஆய்வாளர் எழுத்து தேர்வு நாளை(26.08.2023) நடைபெற உள்ள நிலையில் உதவி ஆய்வாளர் தேர்வு குறித்து அறிவுரை கூட்டம் இன்று கிருஷ்ணாபுரம் அருகே உள்ள பாலன்ஸ் மஹாலில் வைத்து நடைபெற்றது. அப்போது மாவட்ட காவல் கண்காணிப்பாளர் N. சிலம்பரசன் கூறுகையில் திருநெல்வேலி மாவட்டத்தில் ஆண் மற்றும் பெண் உட்பட 6 ஆயிரத்து 909 விண்ணப்பதாரர்கள் தேர்வு எழுத உள்ளனர். இத்தேர்வு மாவட்டத்தில் 7 மையங்களில் நடைபெற இருக்கிறது. இதற்கான பாதுகாப்பு பணியில் ஒரு கூடுதல் காவல் கண்காணிப்பாளர்கள், 6 துணை காவல் கண்காணிப்பாளர்கள், 21 காவல் ஆய்வாளர்கள், 69 சார்பு ஆய்வாளர்கள், காவல் துறையினர், மற்றும் அமைச்சு பணியாளர்கள் உட்பட மொத்தம் 586 பேர் பணியில் ஈடுபடுத்தப்பட உள்ளனர் என தெரிவித்தார்.
இக்கூட்டத்தில் காவல் அதிகாரிகள், காவல் துறையினர் மற்றும் காவல்துறை அமைச்சுப் பணியாளர்கள் ஒவ்வொருவரும் தேர்வின் போது மேற்கொள்ள வேண்டிய பணிகள் குறித்து மாவட்ட காவல் கண்காணிப்பாளர் அவர்கள் அறிவுரைகள் வழங்கினார்.
