அரியலூர் நகர அண்ணா சிலை அருகே காவல்துறை உணவகத்தின் முன்பாக 28.03.2023 இன்று கோடை காலத்தை முன்னிட்டு பொதுமக்கள் பயன்படும் வகையில் வெயிலின் தாக்கத்தை தணிக்கும் பொருட்டு அமைக்கப்பட்ட தண்ணீர் பந்தலை அரியலூர் மாவட்ட காவல் கண்காணிப்பாளர் திரு.ச.செல்வராஜ் அவர்கள் திறந்து வைத்து,பொது மக்களுக்கு நீர்மோர் வழங்கினார்கள். மேலும் போக்குவரத்து காவல் துறையினருக்கு வெயிலின் தாக்கத்தில் இருந்து மீள்வதற்காகவும், நல்ல முறையில் சோர்வின்றி பணியாற்றுவதற்காகவும், நீர்மோர் மற்றும் பழச்சாறும் வழங்கப்பட்டது.
இந்நிகழ்ச்சியில் கூடுதல் காவல் கண்காணிப்பாளர் திரு.அந்தோணி ஆரி அவர்கள், துணைக் காவல் கண்காணிப்பாளர்கள் திரு.சங்கர் கணேஷ் (அரியலூர் உட்கோட்டம்)அவர்கள், தனிப்பிரிவு ஆய்வாளர் திருமதி.செல்வகுமாரி அவர்கள்,நகர போக்குவரத்து காவல் ஆய்வாளர் திரு.கார்த்திகேயன் அவர்கள், அரியலூர் ஆயுதப்படை காவல் ஆய்வாளர் திரு.பாலு அவர்கள் முன்னிலை வகித்தார்கள். உடன் ஆயுதப்படை உதவி ஆய்வாளர்கள் மற்றும் காவல் ஆளிநர்கள் இருந்தனர்.
