கடந்தாண்டு நாகை மாவட்ட துப்பறியும் மோப்பநாய் படை பிரிவில் சிறப்புடன் செயல்பட்டு வந்த ரியோ என்ற மோப்பநாய் ஆனது வயது மூப்பின் காரணமாக இயற்கை எய்த நிலையில் தற்போது அதற்கு பதிலாக நாகை மாவட்ட காவல்துறையில் துப்பறியும் மோப்பநாய் படை பிரிவிற்கு புதிதாக சேர்க்கப்பட்டுள்ள பெல்ஜியம் மேலினோஸ் வகையை சேர்ந்த மோப்ப நாய் குட்டிக்கு நிலா என நாகை மாவட்ட காவல் கண்காணிப்பாளர் ஹர்ஷ் சிங் இ. கா. ப அவர்கள் பெயர் சூட்டினார்கள். மேற்படி நாகை மாவட்ட குற்ற கண்டறிதல் பிரிவில் இணைக்கப்பட்ட மோப்ப நாய் நிலவானது 6 ஆறு மாத காலம் நாகை மாவட்ட மோப்பநாய் படை பிரிவு காவலர்களால் பராமரிக்கப்பட்டு பின்பு அடிப்படை பயிற்சிக்காக கோவையில் இயங்கி வரும் சிறப்பு பயிற்சி மையத்திற்கு அனுப்பப்பட்டு ஆறு மாத காலம் அடிப்படை பயிற்சி முடித்துவிட்டு மீண்டும் நாகை மாவட்ட மோப்பநாய் படை பிரிவில் இணைக்கப்பட உள்ளது.
