நேற்று (12.08.2024) போதைப் பொருள் குறித்து விழிப்புணர்வை இளைஞர்கள், மாணவர்கள், பொதுமக்கள் இடையே ஏற்படுத்தி நல்வழிபடுத்தும் நோக்கில் மாபெரும் கிரிக்கெட் போட்டி ஆவடி காவல் ஆணையரகம் சார்பாக ஏற்பாடு செய்யப்பட்டு, காவல் ஆணையாளர் கி.சங்கர், இ.கா.ப., அவர்களால் ஆவடி காவல் ஆணையரக ஆயுதப்படை மைதானத்தில் தொடங்கி வைக்கப்பட்டது. இந்நிகழ்ச்சியில் போதைப்பொருட்கள் குறித்த விழிப்புணர்வு பாடல் மௌனராக முரளியால் எழுதப்பட்டு, விஜய் TV சூப்பர் சிங்கர் புகழ் கார்த்தி இசையமைத்து திரைப்பட பாடகர் மனோ அவர்கள் அப்பாடலை பாடினார். இந்நிகழ்ச்சியில் கூடுதல் காவல் ஆணையாளர், துணை ஆணையாளர்கள் உட்பட அனைத்து காவல் அதிகாரிகளும், திரைத்துறை பிரபலங்களும் கலந்துக்கொண்டர்.
இக்கிரிக்கெட் போட்டியானது 12.08.2024 தொடங்கி 18.08.2024 வரை நடைபெறும். இப்போட்டியில் 08 காவல் துறை அணிகள் மற்றும் இளைஞர்கள் பங்கேற்கும் 64 அணிகள் பங்கேற்கின்றன. போட்டியில் வெற்றி பெறும் அணிகளுக்கு கோப்பைகள் மற்றும் ரொக்க பணம் பரிசாக வழங்கப்படும்.
மேலும் இதன் தொடர்ச்சியாக போதைப்பொருட்களுக்கு எதிராக விழிப்புணர்வு மோட்டார் சைக்கிள் பேரணியை, காவல் ஆணையாளர் அவர்கள் இந்து கல்லூரியில் இருந்து கொடியசைத்து துவக்கி வைத்தார்கள்.
